A neutte de Natale…

/home/wpcom/public_html/wp-content/blogs.dir/9f1/30057589/files/2014/12/img_0343.jpg
L’êa de neutte freido e scùo,
tiâva o vento a ciù no dî,
zà da neive l’êa vegnùo,
e ne voèiva ancon vegnî.
Inta stalla s’êan retiæ
i pastoî pe no sentî
quello freido, e lì acoeghæ
comensavan a dormî.
Intra drento tutt’assemme
un ch’o lûxe comme o sô:
Corî, o dîxe, a Betlemme
perchè o l’è nasciùo o Segnô.
Quelli mêzi adormigiæ
stavan lì comme mincioìn,
ma un ciù vêgio: sèi alloæ,
o ghe dixe, ò sèi pôtroìn?
Presto, alôa, sâtæ sciù in pê!
piggia o læte tì Beppin
o formaggio Bertomê,
unn-a pegoa tì Tugnin;
Tì Battista, da o compâ,
e tì Zane va da a moæ,
Luenzo ti da-a madonâ,
avvisæli, e camminæ,
che noiâtri intanto aniêmo
a trovâ presto o Segnô;
questa roba ghe portiêmo,
e de l’âtro portian lô.
Dîto questo, o s’incamminn-a.
lê con i âtri, zù a-a cianûa,
nè dàn mente a-o vento a-a brinna,
a nottuann-a freida e scùa.
Dòppo fæto do cammin,
da lontan veddan luxî,
e di canti con di soìn
da lì a un pò ghe pâ sentî.
Van ciù presto, a-a fin arrivan
a ‘na stalla diroccâ.
Gh’êa de nuvie ch’a creuvivan
e gh’êa di Angei lì a cantâ.
Inta greuppia gh’êa o Bambin,
Gh’êa….. ma cöse staggo a dî?
se un Presepio ammiæ ‘n pitin,
mêgio assæ porièi capî.
Gh’è i Pastoî, che pe o Segnô
n’êan avâi, nè pötruìn;
E pe fâghe festa e önô
cùran tutti, grammi e buìn.
E o Bambin, pe nòstro ben
de fâse pòveo gh’è piaxiûo.
E figgeu in te’n pò de fen
pe noìatri o l’è vegnûo.
Gh’è… ma taxo che me pâ
segge tempo de finî,
No vorieiva zà tediâ;
s’ò mâ dîto, compatî

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione /  Modifica )

Google+ photo

Stai commentando usando il tuo account Google+. Chiudi sessione /  Modifica )

Foto Twitter

Stai commentando usando il tuo account Twitter. Chiudi sessione /  Modifica )

Foto di Facebook

Stai commentando usando il tuo account Facebook. Chiudi sessione /  Modifica )

Connessione a %s...